Universiteti “Fehmi Agani” në Gjakovë në bashkëpunim me UNIMED prezantuan para studentëve të saj filmin “Vajzat refugjate” të regjisorit Leonardo Cinieri Lombroso.

Ky ishte një rast unik i studentëve tanë për të reflektuar mbi temat e rëndësishme të refugjatëve dhe për të promovuar dialogun kulturor dhe social në një mjedis të hapur dhe miqësor.

Filmi përcjell historinë e tri vajzave studenteve që janë refugjate në Romë dhe Barcelonë. Përmes kësaj perspektive, "Vajzat e Refugjate" kap sfidat dhe mundësitë e reja që Europa ofron për refugjatët, ndërsa përshkruan rrugën e tyre në integrim dhe krijimin e një identiteti të ri.

Filmi u prit me një interes të madh nga studentët tanë dhe pas shfaqjes, si mysafir i veçantë për diskutim ishte regjisori i filmit, Leonardo Cinieri Lombroso. Regjsori ndau përvojën e tij të realizimit të këtij filmi e deri tek finalizimi i filmit, ndërsa të pranishmit ndan përvojat e tyre dhe sollën pyetje në lidhje me filmin.

Prezent online në diskutim ishte edhe Zyrtarja e projektit të UNIMED Zn. Ludovica De Benedetti.

"Vajzat Refugjate" është rezultat i një bashkëpunimi të suksesshëm midis UNIMED-it, Universitetit Sapienza të Romës, Fundació Solidaritat të Universitetit të Barcelonës, Asociacionit të Universiteteve Evropiane (EUA) dhe Organizatës Ndërkombëtare për Migracionin në kuadër të projektit UNI(di)VERSITY, i mbështetur nga programi Erasmus+ i Bashkimit Evropian. Dokumentari u publikua zyrtarisht në Festivalin Ndërkombëtar të Dokumentarit Visioni dal Mondo në Milano dhe u projektua të dielën e 17 shtatorit në praninë e regjisorit. Ai u projektua më tej në 22 shtator në Universitetin Foro Italico të Romës - në kuadër të Forumit ENSE 2023 - dhe më 3 tetor 2023 në ambientet e Universitetit të Barcelonës.