Fakulteti i Mjekësisë i Universitetit  “Fehmi Agani” në Gjakovë, në bashkëpunim me zyrën e Avokatit të Popullit në  Gjakovë, ka kënaqësinë të ftojë studentët dhe stafin të marrin pjesë në bashkëbisedimin e organizuar me avokatin e popullit.

Ky organizim do të mbahet më datë 13 dhjetor 2024, nga ora 10:00 deri në 11:00, në ambientet e Fakultetit të Mjekësisë. 

Kjo është një mundësi e shkëlqyer për studentët dhe të interesuarit për të mësuar më shumë rreth funksionimit të institucionit të Avokatit të Popullit dhe ndikimit të tij në mbrojtjen e të drejtave dhe interesave të qytetarëve. 

Pjesëmarrësit do të kenë mundësinë të diskutojnë me Avokatin e Popullit dhe të fitojnë njohuri rreth procedurave dhe kompetencave të  këtij institucioni. 

Mirë se vini!