Në revistën prestigjioze amerikane "INTERNATIONAL JOURNAL OF BIOMEDICINE", e indexuar në SCOPUS, në fillim të muajit mars, u publikuan dy punime të dy profesorëve nga Fakulteti i Mjekësisë, Prof. Asoc. Dr. Faton Hoxha dhe Prof. Asoc. Dr. Antigona Ukëhaxhaj.

Në punimin e publikuar nga Prof. Faton Hoxha me titull "Frantz tumor, a rare indolent pancreatic neoplasm entity, a case report and literature review" ai bënë ndërlidhjen e punës së tij shumë vjeçare si kirurg pranë SHSKUK-së, dhe i cili shquhet për punën profesionale dhe zgjidhjen e rasteve specifike në të mirë të pacientëve Kosovar.

Ndërsa në publikimin e saj me titull "Knowledge, Attitudes and Behaviors Toward Proper Nutrition and Lifestyles in Kosovar’s Diabetic Patients" Prof. Antigona Ukëhaxhaj, me profesorë tjerë nga Fakulteti i Mjekësisë si bashkëautorë, studimin e kreu bashkë edhe me studentët e Programit të Infermierisë të Fakultetit të Mjekësisë, si rrjedhoj e ndjekjes së mësimit në lëndën "Diabeti Mellit, trajtimi dhe komplikimet", si dhe punës vullnetare të studentëve dhe stafit të Njësisë së Shputës Diabetike, e themeluar pranë Fakultetit të Mjekësisë që nga viti 2020.