Më 8 shtator 2025, Universiteti i Shkencave të Aplikuara “Savonia” nga Finlanda organizoi një seminar ndërkombëtar online, në kuadër të temës kryesore të Ditës Botërore të Fizioterapisë për këtë vit: “Promovimi i rolit të fizioterapeutëve në menaxhimin e plakjes së shëndetshme”. Ky aktivitet mblodhi së bashku ekspertë nga universitete të ndryshme evropiane për të diskutuar sfidat e popullatës në plakje dhe kontributin thelbësor të fizioterapeutëve në strategjitë për plakje të shëndetshme.

Prof. Ass. Dr. Arben Boshnjaku, ligjërues i Gerontologjisë në Fakultetin e Mjekësisë dhe Fakultetin e Shkencave Sociale të UFAGJ, u ftua si folës kryesor. Në ligjëratën e tij, Prof. Boshnjaku prezantoi njohuri nga kërkimet e tij mbi plakjen, brishtësinë dhe parandalimin e rënieve, duke ndarë gjithashtu rekomandime praktike për studentët dhe profesionistët e fizioterapisë.

Pjesëmarrja e tij jo vetëm që vuri në pah kontributet akademike dhe shkencore të UFAGJ në fushën e fizioterapisë dhe gerontologjisë, por gjithashtu forcoi bashkëpunimin ndërkombëtar në promovimin e praktikave të bazuara në prova për plakje të shëndetshme.