Në një atmosferë mirënjohjeje dhe respekti, më 16 tetor 2025, Universiteti “Fehmi Agani” në Gjakovë organizoi një ceremoni përshëndetëse me rastin e pensionimit të z. Hysen Manxhuka, i cili pas një karriere disa-vjeçare në krye të Zyrës Ligjore përmbylli me dinjitet angazhimin e tij profesional në administratën e Universitetit.

Gjatë viteve të shërbimit, z. Manxhuka ka dhënë kontribut të çmuar në funksionimin juridik të institucionit, hartimin dhe zbatimin e akteve juridike, si dhe në sigurimin e përputhshmërisë ligjore të veprimtarisë së Universitetit.
Puna e tij ka ndikuar ndjeshëm në forcimin e transparencës, profesionalizmit dhe integritetit institucional të Universitetit “Fehmi Agani” në Gjakovë.

Në shenjë falënderimi për përkushtimin dhe kontributin e dhënë gjatë gjithë karrierës, Universiteti “Fehmi Agani” në Gjakovë i ndau z. Hysen Manxhuka Mirënjohje, si vlerësim për profesionalizmin, përgjegjësinë dhe integritetin e treguar në shërbim të institucionit.

Universiteti e falënderon sinqerisht për punën e tij shumëvjeçare duke i uruar shëndet dhe suksese në jetë.